ఎస్‌బీఐ వివిధ రకాల సేవలను అందిస్తోంది. వీటిని ఆన్‌లైన్, ఆఫ్‌లైన్ మార్గాల్లో ఎలాగైనా పొందొచ్చు.

నెట్ బ్యాంకింగ్, మొబైల్ బ్యాంకింగ్, మిస్‌డ్ కాల్ బ్యాంకిగ్ సర్వీసులతో బ్యాంకింగ్ సేవలను మరింత సులభతరం చేసింది. ఎస్‌బీఐ ఇంటర్నెట్ బ్యాంకింగ్ సేవలు పొందాలంటే యాక్టివ్ మొబైల్ నెంబర్ తప్పనిసరి.

దీన్ని బ్యాంక్ ఖాతాతో అనుసంధానం చేసుకోవాలి.
గతంలో కస్టమర్లు హోమ్ బ్రాంచ్‌కు వెళ్లి రిజిస్టర్డ్ మొబైల్ నెంబర్‌ను మార్చుకునేవారు. అయితే ఇప్పుడు ఎస్‌బీఐ తన కస్టమర్లకు రిజిస్టర్డ్ మొబైల్ నెంబర్‌ను బ్యాంక్ బ్రాంచ్‌కు వెళ్లకుండానే మార్చుకునే వెసులుబాటు కల్పించింది.

ఆన్‌లైన్‌ లేదా ఏటీఎం ద్వారా రిజిస్టర్డ్ మొబైల్ నెంబర్ ఎలా మార్చుకోవాలో చూద్దాం..
✺ ఎస్‌బీఐ పోర్టల్ www.onlinesbi.com కు వెళ్లండి. ఎస్‌బీఐ నెట్ బ్యాంకింగ్ అకౌంట్‌తో లాగిన్ అవ్వండి.
✺ అకౌంట్స్ అండ్ ప్రొఫైల్ ఆప్షన్‌పై క్లిక్ చేయండి. తర్వాత ప్రొఫైల్ అనే ఆప్షన్ ఎంపిక చేసుకోండి.
✺ పర్సనల్ డీటైల్స్/మొబైల్ ఆప్షన్‌పై క్లిక్ చేయండి. పర్సనల్ డీటైల్ పేజ్ ఓపెన్ అవుతుంది. ప్రొఫైల్ పాస్‌వర్డ్ ఎంటర్ చేయండి. సబ్‌మిట్‌పై క్లిక్ చేయండి.
✺ మీ పేరు, ఈమెయిల్ ఐడీ, రిజిస్టర్డ్ మొబైల్ నెంబర్ వంటి వివరాలతో కూడిన పేజ్ ఓపెన్ అవుతుంది. చేంజ్ మొబైల్ నెంబర్‌ హైపర్‌లింక్‌పై క్లిక్ చేయండి.
✺ పర్సనల్ డీటైల్స్-మొబైల్ నెంబర్ అప్‌డేట్ పేజ్‌ కనిపిస్తుది. ఇందులో కొత్త మొబైల్ నెంబర్ ఎంటర్ చేయండి. మళ్లీ రీటైప్ చేయండి. తర్వాత సబ్‌మిట్ చేయండి.✺ మీకు వెరిఫై అండ్ కన్ఫర్మ్ యువర్ మొబైల్ నెంబర్ అనే పాపప్ మెసేజ్ వస్తుంది. ఓకేపై క్లిక్ చేయండి. ఇక్కడ మీకు మూడు ఆప్షన్లు కనిపిస్తాయి. మొబైల్ నెంబర్ ఓటీపీ, ఇంటర్నెట్ బ్యాంకింగ్ రిక్వెస్ట్ అప్రూవల్ త్రూ ఏటీఎం, అప్రూవల్ త్రూ కాంటాక్ట్ సెంటర్ అనే ఆప్షన్ ఉంటాయి. వీటిల్లో మీరు దేనినైనా ఎంచుకోవచ్చు.

✺ ఓటీపీ మొబైల్ నెంబర్ ఆప్షన్ ఎంచుకుంటే పాత నెంబర్, కొత్త నెంబర్ రెండు మీ వద్ద ఉండేటా చూసుకోండి. ప్రొసీడ్‌పై క్లిక్ చేసిన తర్వాత డెబిట్ కార్డు ఆప్షన్ కనిపించే అకౌంట్ ఎంచుకోండి. మళ్లీ ప్రొసీడ్‌పై క్లిక్ చేయండి. అకౌంట్‌తో అనుసంధానమైన ఏటీఎం కార్డుల వివరాలు కనిపిస్తాయి. యాక్టివేటెడ్ ఏటీఎం కార్డు ఎంపిక చేసుకోండి. ఎస్‌బీఐ పేమెంట్ గేట్‌వే ఓపెన్ అవుతుంది. కార్డు వివరాలు ఇవ్వండి. ప్రొసీడ్‌పై క్లిక్ చేయండి. ఒక రెఫరెన్స్ నెంబర్‌తోపాటు ఓటీపీ మీ పాత, కొత్త మొబైల్ నెంబర్లకు మెసేజ్ వస్తుంది. తర్వాత మీ కొత్త నెంబర్ యాక్టివేషన్ కోరుతూ 567676 నెంబర్‌కు ఎస్ఎంఎస్ చేస్తే చాలు.

✺ ఇంటర్నెట్ బ్యాంకింగ్ రిక్వెస్ట్ ఆప్షన్ ఎంచుకుంటే డెబిట్ కార్డు అవసరం అవుతుంది. డెబిట్ కార్డు కలిగిన అకౌంట్‌ను ఎంచుకొని ప్రొసీడ్‌ ఆప్షన్‌పై క్లిక్ చేయాలి. తర్వాత ఎస్‌బీఐ పేమెంట్ గేట్‌వే ఓపెన్ అవుతుంది. వివరాలు అన్ని ఇవ్వాలి. తర్వాత మొబైల్ నెంబర్ రిజిస్టర్ చేసుకున్నందుకు ధన్యవాదాలు అనే మెసేజ్ కనిపిస్తుంది. కొత్త మొబైల్ నెంబర్‌కు రెఫరెన్స్ నెంబర్ మెసేజ్ వస్తుంది. ఈ రెఫరెన్స్ నెంబర్ వచ్చిన తర్వాత ఎస్‌బీఐ ఎటీఎంకు వెళ్లాలి. కార్డును స్వైప్ చేయాలి. సర్వీసెస్ ట్యాబ్ ఎంచుకోవాలి. పిన్ నెంబర్ ఎంటర్ చేయాలి. అదర్స్ అనే ట్యాబ్ ఎంచుకోవాలి. ఇంటర్నెట్ బ్యాంకింగ్ రిక్వెస్ట్ అప్రూవల్ ఆప్షన్ ఎంపిక చేసుకోవాలి. పది అంకెల రెఫరెన్స్ నెంబర్ ఎంటర్ చేయాలి.

✺ అప్రూవల్ త్రూ కాంటాక్ట్ సెంటర్ ఆప్షన్ ఎంచుకుంటే ఇక్కడ కూడా డెబిట్ కార్డు కలిగిన అకౌంట్‌ను ఎంచుకోవాలి. ప్రొసీడ్ ఆప్షన్‌పై క్లిక్ చేయాలి. ఎస్‌బీఐ పేమెంట్ గేట్ఋవే ఓపెన్ అవుతుంది. కార్డు వివరాలు ఎంటర్ చేయాలి. తర్వాత థాంక్స్ ఫర్ రిజిగస్టరింగ్ మొబైల్ నెంబర్ అనే మెసేజ్ కనిపిస్తుంది. మీకు రెఫరెన్స్ నెంబర్ మెసేజ్ వస్తుంది. బ్యాంక్ కాంటాక్ట్ పర్సన్ మూడు పనిదినాల్లో మీ కొత్త నెంబర్‌కు కాల్ చేస్తారు. వారికి రెఫరెన్స్ నెంబర్ చెప్పాలి.